الوطن عم يناديكم .. عودوا لرشدكم بكفيكم ،،، ندى الحايك خزمو
بالعامية:
الوطن عم يناديكم .. عودوا لرشدكم بكفيكم
ندى الحايك خزمو
يا جماعة شو صارلكم
ليش هيك عم تعملوا فينا
الانقسام والفرقة خلتنا
عم ننهش لحم بعضنا
ولقمة سايغة صرنا
لكل الطامعين فينا
يا جماعة شو صارلكم
شو يَلّي غيرّ حالكم
من يوم يومنا كنا متوحدين
وقلبنا على بعض ومتحدين
ما حد كان يقدر يفرقنا
ولا حد كان يقدر يشتتنا
كنا نموذج بوحدتنا
ومثال يحتذى بعزيمتنا
وبين يوم وليلة صرنا
العالم كله يحكي علينا
ويتندر على فرقتنا
يا جماعة شو صارلكم
ليش هيك عم تعملوا فينا
في الانتفاضة الأولى كنا مثال
الطفل فينا قبل الرِجّــــال
والحجر صار عنــــــوان
للنضال والعنفــــــوان
فيه حاربنا عدونــــــــا
وفيه دافعنا عن كرامتنا
وبوحدتنا عملنا كثير
وحققنا انجاز كبــــــــير
لما عدونا اضطر يفاوضنا
وللوطن رجعت قيادتنـــا
يا جماعة شو صارلكم
ليش هيك عم تعملوا فينا
في انتفاضة الأقصى
مـــــا تخاذلنـــــــــا
ومن أجل مقدساتنا
مـــــا قصّـــــــرنا
وبقلب واحد هبّينا
للدفاع عن حرمنـــــــا
وعن كنائسنــــــا
وعن مساجدنـــــا
وما انهزمنا ولا ركعنــــا
رغم اللي استشهدوا منا
واليوم شو عم نعمل
والقدس عم تتبهدل
والأقصى راح يتهدم
والكنائس راح تتردم
شو بده يمنع عدونـا
انه يهــــــوّد مدينتنــــــا
ومن قدسنا يطردنـــــا
بعد ما يصادر هويتنا
ويهدم علينا بيوتنــــــا
ويستولي على أراضينا
ما دام شايف تخاذلنا
واهمالنـــــــا وتفرقنـــــــــا
بس على الكرسي بندوِّر
والوطن والأرض نسينا
يا جماعة شو صارلكم
ليش هيك عم تعملوا فينا
عيب والله اللي بصير
الحوار ما اله مصـــــــير
كيف بدنا نجمع الاثنين
ونقرب القلب والعين
ونعيد الوحدة بين الأخين
بعد ما الحكومة صارت حكومتين
والوطن صار وطنــــــــــين
وبعد ما حاربنا بعضنـــــــا
والدم سال على يد الاثنـــــين
يا جماعة شو صارلكم
ليش هيك عم تعملوا فينا
الوطن عم يناديكم
عودوا لرشدكم بكفيكم
بكفي تدمروا انجازاتكم
وتخربوا بيتكم بإيديكم
الشعب مش قادر يستحمل
البلاوي اللي في وطننا بتستفحل
والنــاس فيـــه ضايعـــــــــــين
ما بين معاناة وخلافات ومشاكل
مش قادر يشوف الفصائـــــل
على بعضها بس بتستبســــــــل
يا جماعة شو صارلكم
ليش هيك عم تعملوا فينا
زهقنا جولات الحوار
وتعبنا من الانتظار
ليطلع علينا الاخوة
يبشرونا بالانتصار
على الشرذمة والفرقة
وتنجح جولات الحوار
عم نستنى على نــــــار
ليطلــــع علينـــــا نهـــــــار
ترجع قلوبنا على بعضنا
وبالوحدة نحقق الانتصار
يا ترى راح تصحوا على حالكم
أو راح تضلوا في ضياعكم
حسبي الله ونعم الوكيل فيكم
بكفيكم بكفيكم ...
* كاتبة وصحافية في مجلة البيادر المقدسية
بالعامية:
الوطن عم يناديكم .. عودوا لرشدكم بكفيكم
ندى الحايك خزمو
يا جماعة شو صارلكم
ليش هيك عم تعملوا فينا
الانقسام والفرقة خلتنا
عم ننهش لحم بعضنا
ولقمة سايغة صرنا
لكل الطامعين فينا
يا جماعة شو صارلكم
شو يَلّي غيرّ حالكم
من يوم يومنا كنا متوحدين
وقلبنا على بعض ومتحدين
ما حد كان يقدر يفرقنا
ولا حد كان يقدر يشتتنا
كنا نموذج بوحدتنا
ومثال يحتذى بعزيمتنا
وبين يوم وليلة صرنا
العالم كله يحكي علينا
ويتندر على فرقتنا
يا جماعة شو صارلكم
ليش هيك عم تعملوا فينا
في الانتفاضة الأولى كنا مثال
الطفل فينا قبل الرِجّــــال
والحجر صار عنــــــوان
للنضال والعنفــــــوان
فيه حاربنا عدونــــــــا
وفيه دافعنا عن كرامتنا
وبوحدتنا عملنا كثير
وحققنا انجاز كبــــــــير
لما عدونا اضطر يفاوضنا
وللوطن رجعت قيادتنـــا
يا جماعة شو صارلكم
ليش هيك عم تعملوا فينا
في انتفاضة الأقصى
مـــــا تخاذلنـــــــــا
ومن أجل مقدساتنا
مـــــا قصّـــــــرنا
وبقلب واحد هبّينا
للدفاع عن حرمنـــــــا
وعن كنائسنــــــا
وعن مساجدنـــــا
وما انهزمنا ولا ركعنــــا
رغم اللي استشهدوا منا
واليوم شو عم نعمل
والقدس عم تتبهدل
والأقصى راح يتهدم
والكنائس راح تتردم
شو بده يمنع عدونـا
انه يهــــــوّد مدينتنــــــا
ومن قدسنا يطردنـــــا
بعد ما يصادر هويتنا
ويهدم علينا بيوتنــــــا
ويستولي على أراضينا
ما دام شايف تخاذلنا
واهمالنـــــــا وتفرقنـــــــــا
بس على الكرسي بندوِّر
والوطن والأرض نسينا
يا جماعة شو صارلكم
ليش هيك عم تعملوا فينا
عيب والله اللي بصير
الحوار ما اله مصـــــــير
كيف بدنا نجمع الاثنين
ونقرب القلب والعين
ونعيد الوحدة بين الأخين
بعد ما الحكومة صارت حكومتين
والوطن صار وطنــــــــــين
وبعد ما حاربنا بعضنـــــــا
والدم سال على يد الاثنـــــين
يا جماعة شو صارلكم
ليش هيك عم تعملوا فينا
الوطن عم يناديكم
عودوا لرشدكم بكفيكم
بكفي تدمروا انجازاتكم
وتخربوا بيتكم بإيديكم
الشعب مش قادر يستحمل
البلاوي اللي في وطننا بتستفحل
والنــاس فيـــه ضايعـــــــــــين
ما بين معاناة وخلافات ومشاكل
مش قادر يشوف الفصائـــــل
على بعضها بس بتستبســــــــل
يا جماعة شو صارلكم
ليش هيك عم تعملوا فينا
زهقنا جولات الحوار
وتعبنا من الانتظار
ليطلع علينا الاخوة
يبشرونا بالانتصار
على الشرذمة والفرقة
وتنجح جولات الحوار
عم نستنى على نــــــار
ليطلــــع علينـــــا نهـــــــار
ترجع قلوبنا على بعضنا
وبالوحدة نحقق الانتصار
يا ترى راح تصحوا على حالكم
أو راح تضلوا في ضياعكم
حسبي الله ونعم الوكيل فيكم
بكفيكم بكفيكم ...
* كاتبة وصحافية في مجلة البيادر المقدسية
